Өнөр жай саясаты, транспорт, отун-энергетикалык комплекс, архитектура жана курулуш боюнча комитеттин жыйынында Жогорку Кеңештин депутаты Бакыт Чомоев Бишкек–Кара-Балта жолунда жер астындагы жөө адамдардын өтмөгүн куруу зарылдыгын көтөрдү. Ал аймакта мектеп бар экенин жана унаа кыймылынын жогорулашынын натыйжасында окуучуларга унаа менен сүзүп кетүү учурлары көбөйгөнүн белгиледи.
Бул боюнча транспорт жана байланыш министринин биринчи орун басары Бекназар Базаралиев жер астындагы өтмөктүн 28-километриде курулушу быйылкы жылдын титулдук тизмесине киргизилгенин, бөлүнгөн каржылоонун 10 миллион сомду түзөрүн билдирди.
