Аймакта 35 тонна асфальт өндүрүүчү завод иштей баштады.
Баткен облусунда Япониянын Эл аралык кызматташтык агенттигинин катышуусунда жол куруу үчүн 43 бирдик атайын техниканы өткөрүп берүү аземи өттү, деп билдирди Транспорт жана байланыш министрлиги.
Иш-чарада Япониянын Өзгөчө жана ыйгарым укуктуу элчиси Хирано Рюити, JICAнын туруктуу өкүлү Нишигато Котаро, Транспорт жана байланыш министринин биринчи орун басары Бекназар Базаралиев, президенттин Баткен облусундагы ыйгарым укуктуу өкүлү Айбек Шаменов жана жергиликтүү бийлик өкүлдөрү катышты.
Мындан тышкары, Баткен районунда 35 тонна асфальт өндүрүүгө мүмкүнчүлүк берген асфальтобетон заводун орнотуу иштери жүргүзүлдү.
«Жаңы заводдун ишке кириши материалдардын жолдорду куруу жана оңдоо үчүн убагында жеткирилишин камсыз кылат, ошондой эле жаңы техниканын жардамы менен жол жабындарын тейлөө жана кармоону кыйла жакшыртууга мүмкүндүк берет», — деп айтылат билдирүүдө.
Сүрөт пресс-кызматынан
