Turmush агенттигинин кабарчысы билдиргендей, ачылыш салтанаты 11-февралда өттү. Иш-чарада транспорт жана байланыш министринин биринчи орун басары Бекназар Базаралиев, Кыргызстандагы Япониянын элчиси Хирано Рюити, ошондой эле жергиликтүү бийлик өкүлдөрү жана жол куруучулар катышты.
Бул завод Баткен районундагы үчүнчү завод болуп калды. Ачылыштын алкагында жолдорду куруу жана тейлөө үчүн арналган 43 бирдик техника тапшырылды. Алардын арасында буга чейин бул региондо колдонулбаган машиналар да бар.
Иш-чаранын катышуучуларынын эскерткенине караганда, өткөн жылы Баткен облусунда 40,5 км жаңы жол курулуп, 83,313 км асфальт төшөлгөн. Бул жылы, министрдин биринчи орун басарынын айтымында, 50 кмден ашык жол куруу пландалууда.
