Баткен облусунда жарандарды авто мектебине мыйзамсыз кабыл алуу схемасы аныкталды. Бул тууралуу Улуттук коопсуздук мамлекеттик комитетинин (УКМК) маалымат кызматынан маалымдалды.
Мамлекеттик комитет тарабынан берилген маалыматка ылайык, айрым авто мектептердин жетекчилери уюшкан кылмыштуу топко биригип, Кыргызстандын аймагында фактически жок адамдарды окууга кабыл алуу боюнча жалган кабыл алууну жүргүзүшкөн. Алар мыйзамсыз киреше алуу үчүн, теориялык жана практикалык сабактарды чындыкта өткөрбөй, алыстан кабыл алууну жүргүзүшкөн жана курсту ийгиликтүү аяктагандыгын тастыктаган жасалма документтерди даярдашкан.
Жүргүзүлгөн тинтүү иштеринин натыйжасында, кылмыш ишинин алкагында санкцияланган, чет өлкөдөн авто мектептерге системалуу түрдө курсанттарды кабыл алуу боюнча далилдер чогултулду.
УКМК ошондой эле учурда коррупциялык схемага катышкан башка адамдарды аныктоо жана жоопкерчиликке тартуу, ошондой эле кылмыш жолу менен алынган айдоочулук күбөлүктөрдү жок кылуу боюнча оперативдүү-тергөө иштери улантылып жатканын маалымдады.
