Арыздарды тек гана avtomektep.srs.kg расмий сайтында онлайн форматта берүү керек. Бул үчүн жеке маалыматтарды көрсөтүп, окуу жайын жана айдоочулук күбөлүк категориясын тандоо талап кылынат. Бардык зарыл маалыматтарды толтургандан кийин, колдонуучу платформадан электрондук арызды жөнөтүшү керек.
Арыздар алынгандан кийин, алар кылдат каралат жана арыз бергендер тандалган региондогу авто мектебине кабыл алынат.
Окуучулар үчүн теориялык курстун онлайн окутуусу каралган. Ошондой эле, бир нече окутуу агымдары уюштурулган, бул көптөгөн арыздарды эффективдүү иштеп чыгууга жана авто мектептердеги жүктөмдү минималдаштырууга мүмкүндүк берет.
Ар бир күнү система жаңы мамлекеттик авто мектептер менен толукталууда, бул бир эле учурда бир нече курсанттар тобун окутууга жана окуучуларды региондорго тең салмактуу бөлүштүрүүгө мүмкүндүк берет.
Реформа алкагында айдоочуларды даярдоонун жаңыланган программалары ишке ашырылууда, бул окуунун сапатын жакшыртууга, коопсуз айдоочулук маданиятын калыптандырууга жана жол кырсыктарынын санын азайтууга багытталган.
Программалар жол кыймылынын эрежелерин тереңдетип үйрөнүүнү, күчөтүлгөн практикалык даярдыкты, заманбап тренажерлорду колдонуу жана унааларды техникалык тейлөө негиздерин өздөштүрүүнү камтыйт.
Ошондой эле, президент Садыр Жапаровдун демилгеси менен авто мектептерде окуу мөөнөттөрүн кыскартуу мүмкүнчүлүгү каралууда. Президенттин иш башкаруучусу Каныбек Туманбаевдин маалыматына караганда, тестирлөөдөн жогорку көрсөткүчтөргө ээ курсанттар үчүн окуу мөөнөтү төрт айдан кийин тестирлөөдөн өтүү мүмкүнчүлүгү сунушталат.
Тестирлөөдөн жана экзаменден ийгиликтүү өткөн курсанттар бир жылдык убактылуу айдоочулук күбөлүк алууга укуктуу. Эгер ушул убакыт ичинде жол кыймылынын эрежелерин бузбаса, аларга туруктуу айдоочулук укуктар берилет.
