Министрлик, система жакшыртылып, көзөмөл күчөтүлгөндүктөн, акчасыз эсептешүүлөрдүн үлүшү кыйла өскөнүн белгилейт. Учурда бардык төлөмдөрдүн 98 пайызы акчасыз жүргүзүлүүдө.
«Мындай ыкма адам факторунун таасирин азайтууга жана коррупциялык тобокелдиктерди жоюуга жардам берди. Мындан тышкары, «Сосновка» жана «Кара-Куль» өткөрмө пункттарында жол тилкелерин кеңейтүү боюнча долбоорлор ийгиликтүү ишке ашырылды. «Сосновка» пунктунда кошумча тилкелердин курулушу аяктаган, ал эми «Кара-Куль» пунктунда 2025-жылы өткөрүү мүмкүнчүлүгүн жакшыртууга жана жолдун техникалык талаптарына жооп берүүсүнө багытталган иштер толугу менен аяктаган.
Маалымат системаларынын серверлери жана программалык камсыздоосу туруктуу жана үзгүлтүксүз иштешин камсыз кылуу максатында үзгүлтүксүз жаңыртылып турат», — деп белгиленет маалыматта.
