Бул документке ылайык, бөлүнгөн каражаттар «Бардык үчүн суу менен камсыздоо жана санитария (1-фаза)» программасына жумшалат.
Фонд Кыргызстанга 20 миллион долларды 20 жылдык мөөнөткө, анын ичинде 5 жылдык жеңилдетилген мөөнөт менен 1,25% жылдык пайыздык ставкасында берет.
Мурда «Бардык үчүн суу менен камсыздоо жана санитария (1-фаза)» программасынын алкагында 180 миллион доллар бөлүнгөн. Бул каражаттар Ош, Чүй жана Ысык-Көл облустарындагы 126 айылда коопсуз ичүүчү суу жана санитарияга жеткиликтүүлүктү жакшыртууга жумшалат. Бул 425 миңден ашык адам үчүн таза сууну камсыз кылат деп күтүлүүдө.
