Бул программа Ош, Чүй жана Ысык-Көл облустарындагы 126 айылдык пунктту камтыйт, 425 миңден ашык адамды таза суу менен камсыз кылат. Келишимдин ратификациясы ОПЕКтин Эл аралык өнүктүрүү фондунан каржылоону тартууга мүмкүнчүлүк ачып, аталган облустардагы эң муктаж айылдык аймактарда суу менен камсыздоо, суу тазалоо, канализация жана санитардык объекттерди куруу жана реконструкциялоо долбоорлорун ишке ашырууга мүмкүндүк берет.
