Өткөн жылдагы кампаниянын жыйынтыктарына таянып, Саламаттык сактоо министрлиги жогорку көрсөткүчтөрдү билдирди: өлкө боюнча 973 миңден ашык эркек алдын алуу скрининен өттү. 12% (119,6 миңден ашык адам) жогорку кан басымы аныкталган, 5% (49,6 миң эркек) жүрөк-кан тамыр ооруларынын жогорку тобокелдиги белгиленген, ошондой эле 6% (60,8 миңдей) диабет өнүгүү тобокелдиги байкалган.
2025-жылы биринчи жолу "артериалдык гипертензия" диагнозу менен 15 388 адам, "шекер диабети" диагнозу менен 7 364 адам катталган. Ошондой эле Саламаттык сактоо министрлигинде, жүрөк-кан тамыр оорулары ушул эле жылы Кыргызстанда чоңдор арасында 16 644 өлүмдүн себеби болгонун белгилешти.
“Жоопкер бол!” айлыгы 2019-жылы Швейцария өкмөтү тарабынан каржыланган "Кыргызстанда жугуштуу эмес оорулардын эффективдүү башкаруусу жана алдын алуусу" долбоорунун алкагында башталган. Ошондон бери акция жыл сайын Кыргыз Республикасынын Саламаттык сактоо министрлигинин колдоосу менен өткөрүлүп келет.
Жугуштуу эмес оорулар, мисалы, жүрөк-кан тамыр жана онкологиялык оорулар, хроникалык респиратордук оорулар жана диабет, хроникалык оорулар болуп саналат. Негизги алдын алынып боло турган тобокелдик факторлоруна туура эмес тамактануу, тамеки тартуу, алкоголду ашыкча колдонуу жана физикалык активдүүлүктүн жетишсиздиги кирет.
