Маданият министрлиги коомдук резонанс жараткан билдирүүлөрүнө расмий баа берүүнү пландаштырууда
Илим, билим берүү, инновациялар, маалыматтык технологиялар, маданият, спорт жана жаштар иштери боюнча комитеттин жыйынында депутат Гулшаркан Култаева Маданият министрлигинен Сыймык Жапыкеевдин жазуучу Чынгыз Айтматов тууралуу жакында айткан билдирүүлөрүн анализдөөнү талап кылды.
Култаева белгилегендей, Жапыкеев эки жүз миңден ашуун жазылуучусу бар популярдуу каналга интервью берип, жазуучу тууралуу өз оюн билдирген. Ал Айтматов Кыргызстандын маданий символу экенин баса белгилеп, социалдык тармактарда тараган мындай билдирүүлөрдү өлкөнүн жарандары гана эмес, эл аралык аудитория да көрүшү мүмкүн экенин айтты.
«Маданият министрлиги маданий мурастын сакталышына кам көрүшү керек. Мындай билдирүүлөр болгон учурда четте калбай, юридикалык жана укуктук баа берүү зарыл», — деди депутат.
Муну менен катар Маданият министринин орун басары Марат Тагаев Чынгыз Айтматовдун коргоого муктаж эместигин, бирок министрлик бул маселе боюнча расмий билдирүү даярдап жатканын кошумчалады.
Култаева министрликтин реакциясы расмий жана укуктук документ түрүндө болушу керектигин талап кылууда.
Сүрөт www
