Кыргызстанда 2030-жылга чейин дене тарбия жана спортту өнүктүрүү программасы иштелип чыгат

19-январда Жогорку Кенештин илим, билим, инновациялар, маалыматтык технологиялар, маданият, спорт жана жаштар иштери боюнча комитетинин жыйынында Мамлекеттик физкультура жана спорт агенттигинин директору Казыбек Молдажиев 2030-жылга чейин иштей турган программа иштелип жатканын билдирди. 

Молдажиевдин белгилөөсү боюнча, бул программанын алкагында массалык жана профессионалдык спортту өнүктүрүү үчүн негизги багыттар аныкталат, ошондой эле жарандардын ден соолугун чыңдоого жана өлкөнүн атаандаштыкка жөндөмдүүлүгүн жогорулатууга багытталган иш-чаралар өткөрүлөт.

Мындан тышкары, агенттиктин жанында Медициналык борборду түзүү, башкаруу схемаларын жаңылоо, эмгек акы системасын жакшыртуу жана кызматкерлер үчүн стимулдаштыруучу төлөмдөрдү киргизүү пландалууда, деди ал.