Кыргызстанда спорт менен туруктуу машыгуу деңгээли 40% дан ашты, - Мамлекеттик спорт агенттиги

Жогорку Кенештин илим, билим, инновациялык өнүгүү, маалыматтык технологиялар, маданият, спорт жана жаштар иштер боюнча комитетинин жыйынында 19-январда Мамлекеттик физикалык маданият жана спорт агенттигинин директору Казыбек Молдажиев Кыргызстан калкынын 40% дан ашыгы спорт менен активдүү алектенерин белгиледи.

Мындан тышкары, ал өлкөдө 2025-жылы 8366 спорттук иш-чара өткөрүлүп, ага 428 миңден ашык адам, анын ичинде спортчулар катышканын билдирди.

Ошондой эле, Молдажиевдин айтымында, 2025-жылдын октябрында мугалим-спортчулардын айлыктарын 30% га жогорулатуу чечими кабыл алынган, бул алардын профессионалдык тажрыйбасын жана ишинин сапатын эске алат.