Өзгөртүүлөр Кылмыш кодексине жана Кылмыш-процессуалдык кодекске тиешелүү болду. Улуттук коопсуздук мамлекеттик комитетинин (УКМК) орун басары Тимур Шабданбеков ведомствонун бул мыйзам долбоору боюнча өз сунуштары бар экенин жана алар актуалдуу бойдон каларын билдирди.
Өз кезегинде, Башкы прокурордун орун басары Малик Бектурганов Кылмыш-процессуалдык кодексинин 5-беренесине, «арыз берүүчү» терминдин аныктамасы жана ага байланыштуу өзгөртүүлөр боюнча сын-пикирлер айтылганын белгиледи.
«Тактап айтканда, Кылмыш-процессуалдык кодексинин 148-беренесинде арыздар Бирдиктүү кылмыштар реестрине киргизилиши керек деп жазылган. Бирок, арыз белгиленген талаптарга жооп бербесе, иш ачылбай калышы мүмкүн экендиги такталат», - деп түшүндүрдү ал.
Ички иштер министринин орун басары Эркебек Аширходжаев мындай жоболор толук жана ар тараптуу териштирүү принциптерин бузуп жатканын баса белгиледи.
