Башкы прокурордун орун басары Үмүткан Конкубаева бул документ кылмыштар үчүн соттолгон адамдарды экстрадициялоонун юридикалык негизин түзөрүн, аларга өз өлкөсүндө жазасын өтөөгө мүмкүнчүлүк берет деп белгиледи.
Ал ошондой эле Монголияда Кыргызстандын 50гө жакын жараны жашап жатканын, бирок алардын арасында жабык мекемелерде жаткан адамдар жок экенин кошумчалады. Ошол эле учурда Кыргызстанда эки Монголия жараны жазасын өтөп жатат: алардын бири 8 жылга, экинчиси 7 жылга соттолгон жана алардын кылмыштары оор кылмыштардын катарына кирет.
