Ведомствонун маалыматына ылайык, кышкы каникул учурунда Узген районунун ички иштер бөлүмүнүн жеке курамы «Жаш өспүрүм–түн» аттуу алдын алуу иш-чарасын өткөрдү, анын максаты жаштар арасында укук бузууларды жана кылмыштарды алдын алуу болду.
Рейд учурунда түнкү убакта көзөмөлсүз көчөдө жүргөн 18 бала катталды. Алардын ата-энелери жана башка туугандары менен түшүндүрүү сүйлөшүүлөрү жүргүзүлдү. Жети ата-эне боюнча укук бузуулар кодексине ылайык чаралар көрүлдү.
Бул алдын алуу иш-чарасы 2026-жылдын 11-январына чейин облус аймагында улантылат.
