Ош шаардык ички иштер башкармалыгынын маалымат кызматына ылайык, бул иш-чаранын алкагында Ош шаарындагы жаш өспүрүмдөр боюнча инспекциянын кызматкерлери Баткен облусунун ИИБинде издөөгө алынган 15 жаштагы Р. Ф.ны аныктап, кармашкан.
Укук коргоо органдарынын маалыматына ылайык, кыз Ош шаарында табылган. Анын энеси Баткен облусунун ИИБине кыздын жоголгону тууралуу арыз менен кайрылган, анда кыз 2025-жылдын 17-декабрында үйдөн чыгып кеткенин жана ошол убактан бери байланышка чыкпаганын билдирген.
Текшерүү учурунда Р. Ф. Ош шаарынын түштүк-чыгыш бөлүгүндөгү үйлөрдүн биринде жашап жаткандыгы аныкталган. Анын үйдөн кетишинин себеби үй-бүлөлүк талаш-тартыштар болгон.
Учурда кыз Ош шаарындагы балдар реабилитациялык борборуна убактылуу жайгаштырылган, бүгүн ал Баткен облусунан келген туугандарына өткөрүлдү.
Жаш өспүрүмдөрдүн коопсуздугун камсыздоо жана алардын арасында мыйзам бузуулардын алдын алуу максатында профилактикалык иш-чаралар улантылууда», - деп билдирилет маалыматта.
