Алаяда рейд учурунда чоңдордун коштоосуз түнкү убакта көчөдө жүргөн 10 бала аныкталды
Бул маалыматты Ош облусунун Ички иштер башкармалыгынын басма сөз кызматы берди.
Алардын маалыматына ылайык, 1-январдан баштап милиция кызматкерлери «Жаштар - түн» аттуу операцияны өткөрүүдө.
Бул акциянын максаты жаштар арасында укук бузууларды жана кылмыштарды алдын алуу болуп саналат. Рейддин алкагында жаштар чогулган жерлер, ошондой эле спорт аянтчалары жана компьютердик клубдар текшерилет.
5-январга карата өткөрүлгөн иш-чаралардын натыйжасында түнкү убакта көзөмөлсүз жүргөн 10 бала аныкталды. Бул балдардын ата-энелери жана камкорчулары чакырылды, андан кийин укук бузуулар кодексине ылайык тиешелүү чаралар көрүлдү.
Рейд 11-январга чейин улантылат.
Окшош материалдар:
