Өспүрүм-бузуучуларды Ош облусунда компьютер клубдарынан жана скверлерден издеп жатышат

Ноокат райондук ички иштер бөлүмүнүн кызматкерлери Ош облусунда «Өспүрүм — түн» аттуу рейд өткөрүштү. Иш-чаранын негизги максаты жаштар арасында укук бузууларды жана кылмыштарды алдын алуу болду.

Ош облусунун ички иштер башкармалыгынын маалыматы боюнча, бул рейд мектеп окуучулары арасында топтук конфликттерди алдын алуу жана жашы жете элек адамдардын катышуусундагы жол кырсыктарын азайтуу үчүн уюштурулган.

Рейддин алкагында жаштар көп чогулуп жүргөн жерлер: көчөлөр, парктар, спорт аянтчалары жана компьютердик клубдар текшерилди.

Укук коргоо органдары түнкү убакта чоңдордун коштоосуз көчөдө жүргөн өспүрүмдөрдү аныктап, укук бузуулардын кесепеттери жана мыйзам бузуу үчүн жоопкерчилик тууралуу сүйлөшүүлөрдү өткөрүштү.




Рейддин натыйжасында түнкү убакта үйдөн сыртта болгон 23 жашы жете элек адам аныкталды. Алардын ата-энелери жана мыйзамдуу өкүлдөрү менен түшүндүрүү сүйлөшүүлөрү өткөрүлдү.

Ош облусунда мындай рейддер 11-январга чейин улантылары белгиленди.