Эмгек, саламаттык сактоо, аялдар жана социалдык маселелер боюнча комитет жыйын өткөрүп, анда Кыргыз Республикасынын «Кыргыз Республикасындагы жарандардын медициналык камсыздандыруу жөнүндө» мыйзамына өзгөртүүлөрдү киргизүү боюнча мыйзам долбоору биринчи окууда каралып, бекитилди.
Саламаттык сактоо министринин орун басары Айбек Маткеримов сунушталган өзгөртүүлөр жарандар үчүн медициналык мекемелер аркылуу милдеттүү медициналык камсыздандырууну киргизүүгө багытталганын баса белгиледи. Мындан тышкары, мыйзам долбоору белгилүү бир калк топторуна акысыз жана жеңилдетилген медициналык кызматтарды көрсөтүүнү карайт.
