Ооруканага жаткырылган бардык адамдардын абалы туруктуу, ал эми дагы 5 адам амбулатордук дарыланууда.
Алдын ала маалыматтар боюнча, бардык жабыркагандар 15-январда бул жайдан сатып алынган шаурманы жешкен. Уулануу белгилери тамактангандан кийин бир сутка ичинде пайда болгон.
Бишкектеги мамлекеттик санитардык-эпидемиологиялык көзөмөл борбору бул жайды пландан тышкаркы текшерүү жүргүздү. Текшерүүнүн жүрүшүндө чийки заттын үлгүлөрү, жабдуулардан алынган жуугучтар жана даяр продукциянын калдыктары алынды, ошондой эле кызматкерлер текшерилди. Аныкталган мыйзам бузуулар боюнча үч протокол түзүлүп, жайга 41 миң сом өлчөмүндө айып пул салынды.
«Даамдуу» тез тамактануучу жай 15-январдан тарта жабылып, пломбалоо жүргүзүлдү. Эпидемиологиялык кырдаалды иликтөө уланууда.
