Бишкектин бир кафесинде ондон ашык адам ууланган — Мамлекеттик санитардык-эпидемиологиялык көзөмөл

Бишкекте «Даамдуу» фастфудунан кийин адамдардын массалык уулануу окуясы болду. Бул маалымат Мамлекеттик санитардык-эпидемиологиялык көзөмөл борбору тарабынан айтылды.

Маалыматка караганда, 15-январда Республикалык клиникалык инфекциялык ооруканасына 12 адам тамактан уулануу белгилери менен кайрылышкан.

Мамлекеттик санитардык-эпидемиологиялык көзөмөл текшерүү жүргүзүп, анын жыйынтыгында мекемени 36 миң сомго айыптап, аны табылган мыйзам бузуу фактылары жоюлгуча убактылуу токтотуу чечими кабыл алынды.

Бул мекеме Байтик Баатыр жана Суеркулов көчөлөрүнүн бурчунда жайгашкан.