Эфирде "Кабар" агенттигинин башкы адиси Адель Жомартова мамлекеттик жардам алгандар жаңы "Бала ырысы" пособиясын жана мурдагы төлөмдөрдү бир убакта колдонууга мүмкүнчүлүк жок экенин билдирди. Учурда "Үй-бүлөгө көмөк" программасы аркылуу жардам алып жаткан же тоо аймактарындагы тургундар үчүн пособия алгандар, бир түрдөгү жардамды тандап алышы керек.
Ошентип, үй-бүлөлөр мамлекеттик жардамдын кайсы вариантын аларын аныктоосу керек, анткени бир бала үчүн бир убакта бир нече пособия алуу мүмкүн эмес.
Мындан тышкары, министрликте "Түндүк" тиркемеси аркылуу арыз берүү мүмкүнчүлүгүн киргизүү пландалууда. Адистер ата-энелерге бардык зарыл документтердин бар экенин алдын ала текшерүүнү сунушташат. Эгерде 1-июлга чейин балдардын туулгандыгы тууралуу күбөлүктөрдү электрондук базага киргизбесе, онлайн режиминде пособияны алууга мүмкүн болбойт.
