Жаңы өзгөртүүлөргө ылайык, Кырсык медицинасын тейлөө кызматы эми элге медициналык жардам көрсөтүү үчүн мыйзамдуу укукка ээ. Бул үчүн медициналык персонал тартылып, ошондой эле атайын унаалар жана мобилдик госпиталдар пайдаланылышы мүмкүн. Бирок бул аракеттер жарандык коргонуу боюнча ыйгарым укуктуу орган менен макулдашылып жүргүзүлүшү керек.
Документте ошондой эле бул өзгөртүүлөрдү ишке ашыруу менен байланышкан бардык иш-чаралар бекитилген бюджеттер жана тиешелүү мамлекеттик органдардын кызматкерлеринин санынын алкагында өтөөрү баса белгиленет.
