Кыргыз Республикасынын Ички иштер министрлиги такси үчүн лицензиялоонун мөөнөтүн 2026-жылдын 1-июлуна чейин узартканы тууралуу ведомствонун маалымат кызматынан билдиришти.
Эскерте кетсек, жүк ташуучу жеңил автоунаалар үчүн лицензиялоо 2025-жылдын 12-сентябрында Ички иштер министрлиги тарабынан башталган. Министрлер кабинетинин токтомуна ылайык, айдоочулар 2026-жылдын 1-февралына чейин керектүү уруксаттарды алууга милдеттүү болчу.
Ички иштер министрлигинин лицензияларды алдын ала алуу зарылдыгы боюнча көптөгөн эскертүүлөрүнө карабастан, 2025-жылдын декабрына карата уруксат алган айдоочулардын саны өтө төмөн бойдон калган.
Учурда Ички иштер министрлигинин бөлүмдөрү өлкөнүн бардык аймактарында лицензиялоону активдүү жүргүзүүдө.
8 миңден ашык жаран жана 300 юридикалык жак лицензия алышты.
Жарандардын кайрылуусуна жооп катары министрлик такси лицензиялоонун мөөнөтүн 2026-жылдын 1-июлуна чейин узартууга чечим кабыл алды.
Лицензиялар Кыргыз Республикасынын Ички иштер министрлигинин Жол кыймылынын коопсуздугун камсыздоо башкы башкармалыгынын бардык бөлүмдөрүндө берилет.
