2025-жылдын 12-сентябрынан баштап такси лицензиялоо процесси башталды, ал эми буга чейин, 2025-жылдын 3-декабрында, Министрлер кабинети лицензияларды алуу мөөнөтүн 2026-жылдын 1-февралына чейин узартты.
Айдоочуларга лицензияларды алдын ала алуу зарылдыгы жөнүндө бир нече жолу эскертүүлөр берилгенине карабастан, 2025-жылдын декабрында берилген уруксат документтеринин саны төмөн деңгээлде калды.
Учурда Ички иштер министрлигинин бөлүмдөрү өлкө боюнча лицензиялоону күчөтүлгөн режимде жүргүзүүдө. Азыркы учурда 8 миңден ашык жаран жана 300 юридикалык жак лицензия алышты.
Жарандардын кайрылууларын эске алып, Ички иштер министрлиги лицензиялоонун мөөнөтүн 2026-жылдын 1-июлуна чейин узартууга чечим кабыл алды.
Лицензияларды берүү Кыргыз Республикасынын Ички иштер министрлигинин Жол кыймылынын коопсуздугун камсыздоо башкы башкармалыгынын бардык бөлүмдөрүндө жүргүзүлүүдө.
