КР ГКНБнын чек ара кызматынын маалымат кызматы берген маалыматка ылайык, 2025-жылдын 1-сентябрынан тарта Кыргызстанда болуп жаткан казакстандык жарандар үчүн жаңыланган эрежелер күчүнө кирди.
Негизги өзгөрүүлөр:- Визасыз мөөнөттү эсептөө тартиби.
Эми казакстандык жарандар Кыргызстанда биринчи кирген күндөн тартып 180 күндүн ичинде 90 күн бою болушу мүмкүн. Бул ыкма эл аралык практикага ылайык жана миграциялык процесстерди тартипке келтирүүгө багытталган.
- Болуу мөөнөттөрүн эсепке алуу.
Чек араны ар бир кесип өткөндө, мурун колдонулган күндөр жокко чыгарылбайт, тескерисинче, жыйналат. Болуу мөөнөтү Кыргызстандан 90 календардык күн бою үзгүлтүксүз чыгып кеткен учурда гана кайрадан эсептелет.
- Болуу жери боюнча каттоо.
Казакстандыктар биринчи 30 күн бою каттоодон бошотулат. Эгер көрсөтүлгөн мөөнөттөн узакка болуу пландалса, каттоо милдеттүү болуп калат.
- Мөөнөттү ашырып калуу үчүн жоопкерчилик.
Кыргызстанда 90 күндөн ашык каттоосуз болуу, кайра кирүүгө 90 күнгө чектөө коет.
- Визаны узартуу үчүн негиздер.
Кыргыз Республикасында мыйзамдуу болуу мөөнөтүн узартуу үчүн төмөнкү документтер болушу керек:
- болуу жери боюнча каттоо;
- тургундук уруксат;
- убакыттуу жашоого уруксат;
- "Кайрылман", "Мекен-карт", "Резидент-карт" статусу;
- Кыргызстан катышуучу болгон эл аралык келишимдерде каралган башка документтер.
