Чек ара кызматы Казакстан жарандарына жаңы жашоо эрежелери тууралуу маалымат берилбегенин четке какты
Ведомствонун маалыматына ылайык, маалымат берүү иштери өзгөртүүлөр күчүнө киргенге чейин жүргүзүлгөн, ага Тышкы иштер министрлиги, Чек ара кызматы жана Цифрдык өнүктүрүү министрлиги катышкан. Маалымат расмий интернет булактары, социалдык тармактар жана массалык маалымат каражаттары аркылуу таралган.
Жаңы эрежелер тууралуу маалымат расмий түрдө 2025-жылдын жаз-күз айларынан баштап жарыяланууда жана бүгүнкү күнгө чейин жаңыртылып жатат.
2025-жылдын 4-декабрында Чек ара кызматы «Ак-Жол-автодорожный» өткөрмө пунктунда журналисттер үчүн брифинг уюштурду, анда Тышкы иштер министрлигинин, Ички иштер министрлигинин жана Жарандарды каттоо департаментинин өкүлдөрү катышты. Ошондой эле пресс-релиздер Казакстандын массалык маалымат каражаттарына жөнөтүлдү.
Түшүндүрүү иштери үзгүлтүксүз жүргүзүлүп жатат. 2026-жылдын 13-январында Казакстан жарандарынын жашоо эрежелери тууралуу маалымат «Биринчи радио» эфиринде берилди.
Кыргыз-казак чек арасындагы бардык өткөрмө пункттарында маалымат стенддери орнотулган. Паспорт контролунун залдарында видео материалдар көрсөтүлүп, Чек ара кызматынын кызматкерлери Казакстан жарандарына жашоо мөөнөттөрү жана шарттары тууралуу маалымат беришет.
Ведомстводо белгиленгендей, чет өлкөгө чыгып жаткан жарандар өлкөнүн миграция мыйзамдарын сактоого жеке жоопкерчилик алышат.
Чек ара кызматы ошондой эле кабыл алынган чаралар бир тараптуу эмес экенин жана 1-сентябрдан баштап Кыргызстандын жарандарына коюлган чектөөлөргө жооп берерин эске салды. Бул аракеттер өз аралык принциптерин сактоого жана эл аралык практикага ылайык келет.
Окшош материалдар:
