2026–2027-окуу жылында президенттик «Акылман» лицейи өз өнүгүүсүн улантып, Манас жана Талас шаарларында жаңы филиалдарын ачат. Бул тууралуу «Кабар» агенттигиндеги пресс-конференцияда лицейдин коомчулук менен байланыш бөлүмүнүн жетекчиси Азиреткул Асанов билдирди.
Окуучуларды тандоо процесси Чолпон-Ата, Манас жана Талас филиалдарында 6-класска бир убакта уюштурулат, ал эми 7-класска кабыл алуу Манас жана Талас шаарларындагы жаңы филиалдарга гана жүргүзүлөт. Филиалдардын санынын көбөйүшү таланттуу окуучуларды заманбап эл аралык стандарттарга ылайык билим берүү үчүн кошумча мүмкүнчүлүктөрдү түзөт.
Асанов ошондой эле лицейде билим алууга болгон жогорку кызыгууну белгилеп, конкурска 10 миң адамдын арыз бергенин, бул бир орунга 120 талапкерди түзөрүн айтты. Каалоочулар арасында атаандаштык абдан жогору.
