Президенттик лицей «Акылман» 2026-2027-окуу жылы үчүн окуучуларды кабыл алууну баштайт. Бул тууралуу пресс-конференцияда лицейдин коомчулук менен байланыш бөлүмүнүн жетекчиси Азиреткул Асанов билдирди. Окууга кабыл алуу конкурсу Кыргызстандын мектептеринен таланттуу 6-7-класстын окуучуларына багытталган.
Кийинки окуу жылында лицей Манас жана Талас шаарларында жаңы филиалдарды ачууну пландаштырууда. 6-класстан 7-класска өтүү үчүн конкурс Чолпон-Ата, Манас жана Талас филиалдарында өткөрүлөт, ал эми 7-класстан 8-класска өтүү үчүн тандоо Манас жана Талас филиалдарында гана жүргүзүлөт.
Кабыл алуу процесси үч этаптан турат. Алгачкы эки этап онлайн режиминде synak.akylman.edu.kg сайтында өткөрүлөт, ал эми акыркы, үчүнчү этап оффлайн форматта облустук борборлордо өтөт.
Конкурс сынактары төмөнкү предметтер боюнча өткөрүлөт:
- Математика
- Логикалык тапшырмалар
- Кыргыз тили
- Орус тили
- Тарых
- Математика
- Логикалык тапшырмалар
- Кыргыз тили
- Англис тили
Кошумча маалымат алуу үчүн төмөнкү номерлерге кайрылсаңыздар болот:
- 0704 14 07 92, 0707 79 60 63, 0552 99 33 01, 0708 29 86 47,
- synak.akylman.edu.kg сайтында
