Окуу материалдары «Климаттык кутуча» расмий түрдө ПРООН менен Кыргыз Республикасынын Билим берүү министрлигинин ортосунда өткөрүлдү.
Уюмдун маалыматына ылайык, комплектке кыргыз жана орус тилдеринде окуу китептери, оюн комплекттери, ошондой эле Easy-to-Read форматында жана Брайль шрифтинде адаптацияланган материалдар кирет.
Мындан тышкары, климаттык өзгөрүүлөр боюнча класстан тышкаркы иштерди жана долбоордук окутууну уюштуруу боюнча мугалимдер үчүн жетекчиликтер тапшырылды.
Республиканын квалификацияны жогорулатуу жана педагогикалык кадрларды кайра даярдоо институтунун директору Алмаз Токтомаметовдун айтымында, «климаттык теманы билим берүү процессине интеграциялоо өлкөнүн туруктуу өнүгүүсүнө жана коопсуздугуна жардам берет. «Климаттык кутуча» мугалимдерге даяр инструменттерди, ал эми окуучуларга табиятка жана ресурстарга жоопкерчиликтүү мамиле түзүүгө жардам берген зарыл билимдерди берет».
Учурда «Климаттык кутуча» 17 тилде жеткиликтүү жана 12 өлкөдө колдонууга ылайыкташтырылган, дүйнө жүзү боюнча 50 000ден ашык окуучулар жана 7 000ден ашык мугалимдерди камтыйт.
Россия Федерациясынын элчилигинин кеңешчиси Иван Прокопенко: «Россия Кыргызстанды туруктуу өнүктүрүүнү колдоого активдүү катышууда, ар түрдүү эки тараптуу жана көп тараптуу долбоорлор аркылуу. Айрыкча, өлкөдөгү БУУ долбоорлоруна жыл сайын 3-5 миллион доллар бөлүнөт. 2016-жылдан бери «Климаттык кутуча» Кыргызстандагы мектептерге экологиялык аң-сезимди жогорулатууга жардам берген инновациялык материалдарды камсыз кылып жатканын көрүү абдан кубанычтуу. Ошондой эле, ушул долбоордун жардамы менен өз идеяларын ишке ашырып жаткан таланттуу балдарды көрүү да кубандырат», - деди.
ПРООНдун туруктуу өкүлү Александра Соловьева климаттык билим берүү келечекке болгон маанилүү инвестиция экенин баса белгиледи. «Климаттык кутучаны Билим берүү министрлигине өткөрүп берүү менен, Кыргызстандагы ар бир окуучунун климаттын өзгөрүшү анын жашоосуна кандай таасир этерин жана кандай кадамдарды жасай алат экенин түшүнүшү маанилүү экенин белгилеп жатабыз. Мындан тышкары, материалдардын бардык адамдар, анын ичинде мүмкүнчүлүгү чектелген балдар үчүн жеткиликтүү болушу климаттык билим берүүнү чыныгы инклюзивдүү кылат», - деп кошумчалады.
Программанын негизги пункту климаттык тематика боюнча билим берүү иш-чараларына катышуу тажрыйбасы менен бөлүшкөн окуучулар жана мугалимдердин чыгышы болду, ошондой эле «Климаттык кутуча» материалдарын билим берүү процессинде, сабактарда жана долбоордук иш-аракеттерде колдонуу.
Бишкектеги № 94 орто мектептин окуучусу Нурасыл Абдыжапаров: «Буга чейин климат мен үчүн кыйын жана алыстагандай сезилчү, бирок «Климаттык кутуча» аркылуу климаттын өзгөрүшү боюнча маселелерди жеткиликтүү мисалдар жана тапшырмалар аркылуу жакшыраак түшүнүүгө жетиштим, климаттын өзгөрүшү Кыргызстанды жана адамдардын күнүмдүк жашоосун да камтыйт экенин түшүндүм», - деди.
Таластагы № 2 орто мектептин география мугалими Ангела Ганюк климаттык тематика ар кандай предметтерге интеграциялануусу керектигин, анткени бул междисциплинардык ой жүгүртүүнү өнүктүрөт деп кошумчалады. Конференцияга катышкан соң, ал долбоордук тапшырмаларды жана интерактивдүү материалдарды активдүү колдонууга өттү, бул окуучулардын катышуусуна оң таасир берди.
ПРООН акыркы он жылдан ашуун убакыттан бери инновациялык билим берүү чечимдерин иштеп чыгуу жана киргизүү менен алектенет, анын ичинде «Климаттык кутуча» — эл аралык кызматташтык жана жергиликтүү адаптация жаштардын климаттык грамоталуулугун жогорулатуу үчүн кандайча жардам берерин көрсөтүүчү глобалдык демилге. 2014-жылы Чыгыш Европа жана Борбордук Азияда башталган программа өзүнүн натыйжалуулугун далилдеди жана учурда санариптик инструменттер жана инклюзивдүү версиялар менен кеңейтилип жатат.
Бул иш-аракет Россия Федерациясынын колдоосу менен жүргүзүлөт.
Маалымат үчүн: «Климаттык кутуча» Кыргызстанда 2016-жылы киргизилген. 2016-2017-жылдар аралыгында долбоор 21 мектепте 125 мугалимдин катышуусунда сыноодон өткөн. 2017-2018-жылдары программа 100дөн ашык мектепти жана 500 педагогду камтып, 2018-2019-жылдарга карата өлкөнүн дээрлик бардык мектептеринде киргизилген. ```
