Ишчу топтун төртүнчү жыйыны 26-февралда вице-министр Дурус Козуевдин жетекчилиги астында өттү. Иш-чарага топтун мүчөлөрү, Улуттук кеңештин секретариатынын өкүлдөрү, виртуалдык активдер рыногунун катышуучулары ассоциациясынын өкүлдөрү жана жогорку кесиптик билим берүү уюмдарынын кызматкерлери катышты.
Жыйында өткөн жыйындардын жыйынтыгы боюнча иштелип чыккан Жол картасы, ошондой эле блокчейн технологиялары, криптография, киберкоопсуздук жана жасалма интеллект тармактарында ачылуучу жаңы адистиктер талкууланды. Окуу жайларынын окутуучуларынын квалификациясын жогорулатуу маселелерине өзгөчө көңүл бурулду.
Бир нече жогорку окуу жайларынын өкүлдөрү бул маселе боюнча өз сунуштарын беришти.
Сунуштар үч негизги багытка бөлүндү:
- керектүү компетенцияларга ээ адистерди даярдоо;
- окутуучулардын квалификациясын жогорулатуу;
- жогорку окуу жайларынын окуу программаларына жаңы багыттарды киргизүү.
Жыйындын натыйжасында алгачкы иш-чаралардын планы такталды жана ишчу топ үчүн конкреттүү тапшырмалар аныкталды.
Бул чаралар өлкөнүн кадрдык потенциалын күчөтүүгө, санариптик трансформацияны ылдамдатууга жана заманбап технологиялар тармагында жогорку квалификациялуу адистерди даярдоого багытталган.
