Иш-чарага жумушчу топтун мүчөлөрү, виртуалдык активдерди жана блокчейн технологияларын өнүктүрүү боюнча Улуттук кеңештин секретариатынын өкүлдөрү, ошондой эле виртуалдык активдер рыногунун ассоциациясынын катышуучулары жана жогорку окуу жайларынын окутуучулары катышты.
Талкуунун негизги предмети үч мурунку жыйындынын жыйынтыктарынын негизинде иштелип чыккан «жол картасы» долбоору болду. Делегаттар блокчейн технологиялары, криптография, киберкоопсуздук жана жасалма интеллект сыяктуу тармактарда ачылуучу жаңы адистиктердин тизмесин да карашты. Окутуучулар курамын квалификациясын жогорулатууга чоң көңүл бөлүндү.
Бул маселе боюнча сунуштарын Кыргыз улуттук университети, Ош мамлекеттик университети, Кыргыз мамлекеттик техникалык университети, Кыргыз экономикалык университети жана Мамлекеттик башкаруу академиясы сунуштады.
Сунуштар үч негизги багытты камтыйт:
- тармактык квалификациясы бар адистерди даярдоо;
- окутуучулардын квалификациясын жогорулатуу;
- жогорку окуу жайларынын окуу программаларына жаңы адистиктерди интеграциялоо.
Бул инициативаларды ишке ашыруу өлкөнүн кадрдык потенциалын күчөтүүгө, санариптик трансформация процессин тездетүүгө жана технологиялар тармагында заманбап жумуш рыногунда атаандаша ала турган адистерди даярдоого багытталган.
