Кирген маалыматтарга ылайык, 2026-жылдын 28-февралы күнү Токмок шаарындагы Ички иштер бөлүмүнө 1988-жылы туулган М.Х. аттуу жаран кол салуу тууралуу арыз менен кайрылган. Ал 2026-жылдын 27-февралы күнү, саат 22:30 чамасында, Сарбагышев көчөсүндөгү үйүнүн жанында белгисиз адамдар анын жана эки бир тууганынын денесине зыян келтиргенин билдирген.
Токмок шаардык медициналык борбору тарабынан берилген медициналык корутунду М.Х. жана 1996-жылы туулган бир тууганы М.А.нын жабык череп-ми жаракаттары, мээнин чайкалганы жана башка урунуулар бар экенин тастыктап турат.
Бул фактыларга негизделип, Токмок Ички иштер бөлүмүнүн тергөө бөлүмү Кыргыз Республикасынын Кылмыш-жаза кодексинин 280-беренеси (хулигандык) боюнча кылмыш ишин козгоду.
Оперативдүү-издөө иш-чараларынын натыйжасында укук коргоо органдары шектүүлөрдү – 2007-жылы туулган Ш.А. жана П.С.ны аныктап, кармашты.
Кыргыз Республикасынын Кылмыш-процессуалдык кодексинин 96-беренесине ылайык, кармалгандар убактылуу кармоо жайына жайгаштырылды. Шаардык сот алардын бир айга камакка алынуусу тууралуу чечим кабыл алды.
Тергөө иштеринин алкагында соттук-медициналык экспертизалар дайындалды. Учурда инциденттин бардык жагдайларын аныктоо жана мүмкүн болгон катышуучуларды табуу үчүн зарыл тергөө аракеттери жана оперативдүү иш-чаралар улантылууда.
