Берилген маалыматка ылайык, окуя 14-февралда, саат 00:30 чамасында болгон. Т.М., Т.Ж. жана К.К. алкоголдук мас абалда Бишкектен Петровка айылына келишкен. Фрунзе көчөсүндө алар А.Э. жана анын достору менен жолугуп, сөзгө келишип, мушташка айланган.
Мушташ учурунда Т.М. коомдук тартипти бузуп, агрессивдүү аракет кылып, А.Э.ны бычак менен урган.
Окуядан кийин Т.Ж., Т.М. жана К.К. Honda унаасы менен окуя болгон жерден кетишкен.
Бул факт Москва районунун ички иштер бөлүмүндө катталган жана шектүүлөргө Кыргыз Республикасынын Кылмыш-жаза кодексинин 280-беренеси (хулигандык) боюнча кылмыш иши козголгон.
Оперативдүү-издөө иш-чараларынын натыйжасында милиция кызматкерлери шектүүлөрдүн жеке башын аныкташкан. 96-УПК беренесине ылайык, 2003-жылы туулган Т.Ж. жана Т.М. кармалып, убактылуу кармоо жайына жайгаштырылган.
Кылмыш ишинин алкагында соттук экспертизалар дайындалды жана окуянын бардык жагдайларын жана мүмкүн болгон катышуучуларды аныктоого багытталган тергөө иштери жүргүзүлүүдө. Тергөө уланууда.
