Бишкекте эркек аялды коргоого аракет кылып, бычак жеп алды

Бишкекте аялды кол салуучудан коргоого аракет кылган эр адам бычактан жаракат алды. Бул тууралуу Ленин районунун Ички иштер башкармалыгынын маалымат кызматы билдирди.

Маалыматка ылайык, саат 7:05те медициналык мекемеден 30 жаштагы А.К. аттуу жаран сол жамбашында жаракат менен ооруканага жаткырылганы тууралуу маалымат келип түшкөн.

Окуя болгон жерге келген тергөө тобу, инцидент Сельсоветская көчөсүндөгү кафелердин биринин жанында болгонун аныктады. А.К. белгисиз эр адамдын жубайын урганы күбө болуп, кийлигишүүгө аракет кылган. Анын аракетине жооп катары агрессор аны сол жамбашына эки жолу бычак менен урган жана окуя болгон жерден тез арада качып кеткен.

Кол салуудан кийин жабырлануучу медициналык жардамга кайрылып, зарыл болгон жардамды алган.
Сүрөт Ленин районунун Ички иштер башкармалыгынын маалымат кызматы
Окуя боюнча Кыргыз Республикасынын Кылмыш-жаза кодексинин «Хулигандык» беренеси боюнча кылмыш иши козголду. Оперативдүү-издөө иш-чараларынын жүрүшүндө шектүү — 22 жаштагы А.А. аттуу жаран аныкталып, кармалган.

Шектүү тергөө органдарына жеткирилип, Бишкек шаардык Ички иштер башкармалыгынын убактылуу кармоо жайына жайгаштырылды. Сотко чейинки териштирүү жүргүзүлүүдө, зарыл экспертизалар дайындалды.