Кармалгандардын арасында мурдагы ички иштер министринин орун басары Курсан Асанов жана Ош облусунун мурдагы губернатору Аалы Карашев бар.
Жакында массалык маалымат каражаттарында жана социалдык тармактарда 75 жаран президент Садыр Жапаровго жана Жогорку Кеңештин спикери Нурланбек Тургунбек уулуна өлкөдө жаңы президенттик шайлоолорду дароо өткөрүү боюнча кайрылышкандыгы тууралуу маалымат пайда болду. Бул кайрылууну илимпоздор, мурдагы премьер-министрлер, экс-депутаттар жана коомдук ишмерлер колдошту.
«Мындай аракеттер саясий чыңалууну жана коомдук талаш-тартышты козгошу мүмкүн. Алар ошондой эле өлкөдөгү туруктуулукка жана ички биримдикке коркунуч туудурат», — деп айтылат Ички иштер министрлигинин билдирүүсүндө. Бул боюнча тергөө кызматы массалык башаламандык боюнча кылмыш ишин козгоду.
Эскерте кетсек, мурда ушул эле иш боюнча Эмилбек Узакбаев, Курманбек Дыйканбаев жана Бекболот Талгарбеков кармалган. Бекболот Талгарбеков жаңы президенттик шайлоолорду дароо өткөрүү боюнча коллективдүү кайрылуунун биринин инициатору болгон. Бул кайрылууну 75 адам, анын ичинде илимпоздор, мурдагы премьер-министрлер, экс-депутаттар жана коомдук ишмерлер колдошту.
