Коомдук коопсуздук органдарынын маалыматына ылайык, 2025-жылдын 26-декабрында Москва районунун ички иштер бөлүмүнө 1989-жылы туулган жаран коллективдик арыз менен кайрылган. Ал 1993-жылы туулган адам 2024-жылдан бери Ак-Суу капчыгайындагы кичи ГЭСтин курулушунда бетон иштерин аткаруу үчүн жумушчуларды жалдаганын көрсөткөн. Айлыгы 50–60 миң сомду түзгөндө, 2025-жылдын декабрь айындагы төлөм жасалган эмес.
Тергөө жүргүзүлгөн мезгилде болжол менен 7 200 кубометр бетон иштери аткарылганы аныкталды, ал эми заказчыдан алынган жалпы сумма 43,4 миллион сомдон ашып, анын ичинен 3,1 миллион сом салыкка кеткен.
Бул иш боюнча Кыргыз Республикасынын Кылмыш кодексинин 209-беренеси боюнча "Алдамчылык" кылмыш иши козголду. Шектүү кармалып, убактылуу кармоо жайына жайгаштырылды. Тергөө уланууда.
