Алардын ичинен 13 адам ооруканага жаткырылды
Кыргызстандын борборунда массалык уулануу учурлары катталды: 17 адам шаурмадан жабыркады. Бул тууралуу маалымат Саламаттык сактоо министрлиги тарабынан берилди.
Министрликтин маалыматына ылайык, жабыркагандардын бардыгы тамак-аштан уулануу белгилери менен Республикалык инфекциялык клиникалык ооруканага кайрылышкан. Алардын арасында курагы жете элек балдар да бар. Алардын төртөө амбулатордук дарыланууга которулса, 13 адам ооруканада көзөмөлдө калууда. Алардын абалы туруктуу деп бааланууда, учурда зарыл болгон анализдер жана дарылоо жүргүзүлүүдө.
Алдын ала маалыматтар боюнча, ууланууга себеп болгон продукция Daamduu тез тамактануучу жайынан алынган.
Сүрөт www
