2026-жылы Нарын облусунда 66,36 км узундуктагы 10/0,4 кВ чыңалуудагы СИП-2 жана СИП-3 электр кабелдерин орнотуу жана модернизациялоо иштери жүргүзүлөт. Бул тууралуу Энергетика министрлиги маалымдады.
Жаңы СИП кабелдерин реконструкциялоо жана куруу пландалган иштер төмөнкү райондордо жүргүзүлөт:
* Ат-Баши району — 14 км
* Ак-Тала району — 6,8 км
* Кочкор району — 14,5 км
* Жумгал району — 6,5 км
* Тогуз-Торо району — 7,6 км
* Нарын району — 16,9 км
Иштердин каржылануусу “Кыргызстандын Улуттук электр тармагы” ААКсы тарабынан камсыздалат, ал эми долбоорду ишке ашыруу Нарын облусунда апрель айынан октябрь айынын аягына чейин пландалууда.
СИП кабелдерин колдонуу электр тармактарынын ишенимдүүлүгүн жогорулатууга жардам берет. Бул кабелдер жаратылыш кырсыктарына туруктуу, электр энергиясынын жоготууларын жана авариялык өчүрүүлөрдүн санын азайтууга, ошондой эле эксплуатациялык чыгымдарды төмөндөтүүгө жардам берет. Мындан тышкары, СИП кабелдери электр энергиясын айылдарда колдонууга коопсуз жана туруктуу кылат.
Пландалган иш-чаралар Нарын электр ишканасын күз-кыш мезгилине даярдоо, электр тармактарынын ишенимдүүлүгүн жакшыртуу жана калкты туруктуу электр энергиясы менен камсыз кылууга багытталган.
Электр энергиясын камсыздоо боюнча кошумча маалымат алуу үчүн “НЭСК” ААКсынын 24/7 иштеген колл-борборуна төмөнкү номерлер боюнча кайрылсаңыз болот:
105 (бесплатный звонок)
+996 772 001209, +996 556 001209
WhatsApp: +996 702 001209
