Күтүлгөн суукка байланыштуу энергетиктер электр тармактарына көзөмөлдү күчөттү

Күтүлгөн суукка байланыштуу, Энергетика министрлиги электр тармактарынын абалына көзөмөлдү күчөтүү тууралуу маалымдады.
Ведомство билдиргендей, жарыяланган шамалдын эскертүүсүн жана жагымсыз аба ырайын эске алуу менен, өлкөнүн бардык аймагында энергетикалык объектилердин ишин көзөмөлдөө чаралары күчөтүлүүдө. Ошондой эле авариялык оңдоого резервдер даярдалган жана мүмкүн болгон күтүүсүз кырдаалдарга ыкчам жооп берүү схемалары иштелип чыккан.
Оңдоо бригадалары, транспорт жана атайын техника жогору даярдыкка өткөрүлгөн. Учурдагы абалды туруктуу мониторинг жүргүзүлүп, тиешелүү кызматтар түнү бою кезектеги графиктер боюнча иш алып барууда.

Температуранын төмөндөшү электр энергиясын пайдалануунун көбөйүшүнө алып келет, бул электр тармактарына жогору жүктөмгө себеп болушу мүмкүн.

Ошондуктан, энергетиктер кардарларды ресурстарды үнөмдөп пайдаланууга жана бир эле учурда бир нече энергияны көп талап кылган жабдыктарды колдонбоого чакырышууда.

Электр энергиясын камсыздоо боюнча суроолор менен 24 сааттык колл-борборго төмөнкү номерлер боюнча кайрылсаңыз болот: 105, мобилдик номерлер: 0772 001209, 0556 001209, ошондой эле WhatsApp аркылуу: 0702 001209.

Ар кандай аймактардагы энергетикалык компаниялардын байланыш номерлери төмөндө берилген. Электр энергиясын камсыздоо боюнча маалымат алуу үчүн кайрылыңыз:

• Бишкек электр тармактары - (0312) 53-00-84;
• Чүй электр тармактары - +996 (312) 33-85-03;
• Баткен электр тармактары - +996 (03622) 5-06-28;
• Ош электр тармактары - +996 (3222) 5-50-38;
• Джалал-Абад электр тармактары - +996 (3722) 5-13-50;
• Иссык-Куль электр тармактары - +996 (3922) 4-24-53;
• Нарын электр тармактары - +996 (3522) 5-12-73;
• Талас электр тармактары – +996 (3422) 5-36-05.