Женевада өткөн жолугушууда тараптар кыргыз-швейцария кызматташтыгы, анын ичинде саясий диалог, соода жана экономикалык кызматташтык, ошондой эле 2026–2029-жылдарга пландалган кызматташтык программасынын деталдарын талкуулашты.
Кулубаев Швейцарияны 2026-жылы ОБСЕде төрагалык кылуусу менен куттуктап, бул уюмдун алкагында активдүү кызматташтыкты улантууга ниетин билдирди. Тараптар эки тараптуу мамилелердин оң өнүгүшүн белгилеп, жогорку деңгээлдеги байланыштарды көбөйтүүнүн зарылдыгын баса белгилешти.
Соода жана экономикалык байланыштарды кеңейтүүгө, инвестицияларды тартууга, ошондой эле туризм тармагында кызматташууга жана биргелешкен долбоорлорду ишке ашырууга чоң көңүл бөлүндү.
Мындан тышкары, жолугушуунун катышуучулары тоо аймактарынын туруктуу өнүгүүсү жана актуалдуу эл аралык маселелер боюнча пикир алмашышты. Переговорлордун жыйынтыгында кыргыз-швейцария өнөктөштүгүн чыңдоону улантуу жана конструктивдүү диалогду өнүктүрүү боюнча чечим кабыл алынды, деп билдирет Тышкы иштер министрлиги.
