10-февралдан баштап, агрегат № 2 кабыл алынгандан кийин, демонтаждоо иштерине киришилди. Бул иштер күн сайын 7:30дан 21:00гө чейин үзгүлтүксүз жүргүзүлүүдө. Кытай Жаңы жылын белгилөө учурунда, 16–17-февралда, команда кошумча убакытта ишин улантты.
Демонтаждоо күчөтүлгөн режимде жүргүзүлүүдө
16-февралда генератордун роторун демонтаждоо жана көтөрүү процедурасы ийгиликтүү аякталды. Учурда адистер генератордун роторун жана статорун ажыратуу менен алектенишет.
Белгиленген графикке ылайык, жакынкы убакта төмөнкүлөр пландалууда:
- генератордун демонтажын 22-февралга чейин аяктоо;
- февралдын аягында – марттын башында турбинаны демонтаждоого өтүү;
- агрегат № 2деги бардык демонтаждоо иштеринин толук аякташы марттын башында күтүлүүдө.
Учурда графиктен артта калуу байкалбайт.
Демонтаждоо менен бирге жаңы жабдууларды даярдоо иштери жүргүзүлүүдө. Агрегат № 2 үчүн жаңы генератордун статору монтаждоо аянтчасында толук чогултулуп, электрдик сыноолордон ийгиликтүү өттү, ал эми генератордун ротору 50%га чогултулду.
