Мыйзам долбоорунун сунушун Премьер-министр сунуштады.
Жогорку Кенештин эл аралык иштер, коргоо, коопсуздук жана миграция боюнча комитетинин орун басары Ырысбек Атажанов аталган мыйзам долбоору боюнча маалымат берди.
Бул мыйзам долбоорунун негизги максаты 2022-жылдын 17-июнунда Женевада өткөн Дүйнөлүк соода уюмунун 12-министрлер конференциясында кабыл алынган балык чарбасы боюнча субсидиялар келишимин ишке ашыруу үчүн зарыл болгон ички процедураларды аткаруу болуп саналат.
Бул келишимди ратификациялоо Кыргызстандын ДСУдагы эл аралык милдеттенмелерине болгон берилгендигин баса белгилейт жана глобалдык соода системасында жооптуу катышуучу катары анын позициясын бекемдейт, дүйнөлүк сооданын адилеттүү жана ачык шарттарын түзүүгө көмөктөшөт.
