Бул документ мыйзамсыз, билдирилбеген жана жөнгө салынбаган балык уулоого жардам берген субсидияларды жоюуга, ошондой эле деңиз биоресурстарын туруктуу пайдаланууга багытталган.
Женевада кабыл алынган Протокол ДСУнун балык чарбачылыгы жана экология менен байланышкан маселелерге арналган биринчи көп тараптуу келишими болду. Ал мыйзамсыз балык уулоону колдогон субсидияларга, ошондой эле жөнгө салынбаган аймактардагы балык уулоого жана запасы кыскарган аймактардагы балык уулоого байланыштуу субсидияларга тыюу салат.
Мындан тышкары, келишим өнүгүп келе жаткан өлкөлөрдү колдоого багытталган атайын жана айырмаланган чараларды, мисалы, өтүү мөөнөттөрүн жана техникалык жардам көрсөтүүнү камтыйт.
