Проект Дүйнөлүк банк тарабынан колдоого алынып, өлкөнүн энергетикалык системасын модернизациялоого багытталган.
390 миң эсептегичтин орнотуусу төмөнкү региондордо жүргүзүлөт:
- Бишкек – 91210 даана;
- Чүй облусу – 89129 даана;
- Ош облусу – 68242 даана;
- Баткен облусу – 54997 даана;
- Жалал-Абад облусу – 71546 даана.
Санариптештирүүнүн негизги максаты электр энергиясын эсепке алуунун ачыктыгынан, техникалык жана коммерциялык жоготууларды азайтуудан, электр камсыздоонун сапатын жогорулатуу жана ушул тармакта санарип инфраструктурасын өнүктүрүүдөн турат.
Акылдуу эсептегичтер электр энергиясын реалдуу убакыт режиминде так эсептөөгө, техникалык бузулууларды тез аныктоого, уруксаты жок туташтырууларды алдын алууга жана эсептөөлөр үчүн так маалыматтарды түзүүгө мүмкүнчүлүк берет.
