Бул долбоор Дүйнөлүк банк тарабынан колдоого алынып, өлкөнүн энергетика секторун модернизациялоого багытталган.
«Акылдуу» эсептегичтердин аймактар боюнча бөлүштүрүлүшү төмөнкүдөй болот:
- Бишкек — 91 миң 210;
- Чүй облусу — 89 миң 129;
- Ош облусу — 68 миң 242;
- Баткен облусу — 54 миң 997;
- Жалал-Абад облусу — 71 миң 546.
Санариптик технологияларды киргизүүнүн максаты электр энергиясын эсепке алуунун ачыктыгын жогорулатуу, техникалык жана коммерциялык жоготууларды азайтуу, ошондой эле электр энергиясын камсыздоонун сапатын жакшыртуу жана ушул тармакта санариптик инфраструктураны өнүктүрүү болуп саналат.
«Акылдуу» эсептегичтердин жардамы менен электр энергиясын реалдуу убакытта так көзөмөлдөө, техникалык бузулуулардын ыкчам аныкталышы, уруксаты жок туташтырууларды алдын алуу жана эсептөөлөр үчүн так маалыматтарды алуу мүмкүн болот.
Мындан тышкары, жаңы система керектөөнү натыйжалуу башкарууга мүмкүнчүлүктөрдү түзүп, жарандарга электр энергиясын рационалдуу пайдаланууга жардам берет.
