2026-жылдын 17-февралында Кыргыз Республикасынын Экономика министрлигинин Антимонополдук жөнгө салуу кызматында жаңы төрага — Айбек Мамыралиевдин тааныштыруусу болуп өттү. Экономика жана соода министринин орун басары Беназир Нурланова жамаатты жаңы жетекчи менен тааныштырды.
Ал өз сөзүндө ведомствонун негизги милдеттерин белгилеп, алардын арасында атаандаштык чөйрөсүн өнүктүрүү, керектөөчүлөрдүн укуктарын коргоо жана антимонополдук мыйзамдардын сакталышын көзөмөлдөө бар экенин айтты.
Орун басар министр керектүү товарларга болгон баалардын мониторингине өзгөчө көңүл бурду. Кызматка базарларда баалардын негизсиз жогорулашынын алдын алуу жана жашыруун баа келишимдерин аныктоо максатында көзөмөлдү активдештирүү тапшырылды.
Беназир Нурланова Айбек Мамыралиевдин кеңири тажрыйбасы, билимдери жана башкаруу жөндөмдөрү кызматтын функцияларын натыйжалуу аткарууга жана атаандаштыкты өнүктүрүү боюнча негизги милдеттерди чечүүгө системалуу мамиле кылууга жардам берет деп белгиледи.
