Компаниянын маалыматына ылайык, экинчи этаптагы иштерди жалпы подрядчы, Кытайдын CNEEC (China National Electric Engineering Co. Ltd.) компаниясы жүргүзүүдө.
«2026-жылы Уч-Курган ГЭСинде эки гидроагрегаттын: №1 жана №2 параллель реконструкциясы пландалууда. Бул модернизациянын мөөнөтүн кыскартууга жана долбоордун жалпы натыйжалуулугун жогорулатууга мүмкүндүк берет. Эки агрегат боюнча даярдык жана инженердик иштер башталды», - деп айтылат пресс-релизде.
Гидроагрегат №2нин реконструкциясын баштоо 2026-жылдын 1-февралына пландалган, ал эми гидроагрегат №1 боюнча иштер 2026-жылдын 1-мартында башталат.
«Учурда гидроагрегат №2 боюнча статоранын стерженьдеринде ширетүү иштеринин жүрүп жатканы, ошондой эле ротордун спицаларын дефекттерди текшерүү менен чогултуу иштери жүргүзүлүүдө. Параллелдүү түрдө гидроагрегат №1 үчүн долбоордук жана техникалык даярдык жүрүүдө», - деп кошумчалашты пресс-кызматта.
2025-жылдын жыйынтыгы боюнча Уч-Курган ГЭСинин кубаттуулугу реконструкциянын натыйжасында 18 МВтка жогорулайт, ал эми 2026-жылга чейин жалпы орнотулган кубаттуулук 36 МВтка жетет.
