Жети РЭСте эски жыгач устундарды заманбап темир-бетон конструкцияларына алмаштыруу иштери жүргүзүлөт
2026-жылы Ысык-Көл облусунда 1960–70-жылдары орнотулган эски жыгач устундарды 2000ден ашык жаңы темир-бетон устундарга алмаштыруу пландалууда, бул тууралуу энергетика министрлиги маалымдады.
Эски устундар өзүнүн пайдалануусунун мөөнөтүн кыйла ашып, авариялык абалда турат.
Жаңылануу 2026-жылы төмөнкү бөлүштүрүү электр тармактарында (РЭС) жүргүзүлөт:
- Ак-Суй — 258 устун
- Каракол — 260 устун
- Жети-Огуз — 263 устун
- Тон — 543 устун
- Чолпон-Ата — 314 устун
- Түп — 229 устун
- Балыкчы — 282 устун
Бардык жаңы темир-бетон устундардын орнотулушу 2026-жылдын ноябрь айынын аягына чейин бүткөрүлөт деп пландалууда.
Мындан тышкары, 2025-жылы бул аймакта 1500дөн ашык темир-бетон устундар орнотулган.
«Жаңы устундардын өндүрүшү 2017-жылдан бери Балыкчы РЭСинин базасында иштеп жаткан өздүк цехте жүргүзүлөт. Бул жерде СВ-110 жана СВ-95 маркасындагы устундар өндүрүлүп, бардык сапат жана ишенимдүүлүк стандарттарына жооп берет», — деп белгиленген расмий билдирүүдө.
Сүрөт www
