2026-жылы Ысык-Көл облусунда электр тармактарын жаңылоого жумуштар улантылат. Кыргызстан Республикасынын Энергетика министрлиги 2000ден ашык эски жыгач опорлорду заманбап темир-бетон опорлору менен алмаштырууну пландап жатканын билдирет.
Алмаштырууга тийиш болгон жыгач опорлор 1960-70-жылдары орнотулган жана нормативдик кызмат мөөнөтүн кыйла ашып, критикалык абалда турат.
Темир-бетон опорлорго өтүү электр энергиясын камсыздоонун ишенимдүүлүгүн жакшыртууга, авариялык кырдаалдардын санын кыскартууга жана керектөөчүлөр үчүн электр энергиясын туруктуу берүү үчүн шарт түзөт.
2026-жылы опорлор төмөнкү бөлүштүрүү электр тармактарында (БЭТ) алмаштырылат:
- Ак-Суй БЭТ – 258 опор
- Каракол БЭТ – 260 опор
- Жети-Огуз БЭТ – 263 опор
- Тон БЭТ – 543 опор
- Чолпон-Ата БЭТ – 314 опор
- Түп БЭТ – 229 опор
- Балыкчы БЭТ – 282 опор.
Жаңы темир-бетон опорлорду орнотуу 2026-жылдын ноябрь айынын аягына чейин аякталат деп күтүлүүдө.
2025-жылы 1500дөн ашык эски опорлор алмаштырылып, региондогу бир нече айылдардын инфраструктурасынын абалын кыйла жакшыртууга мүмкүнчүлүк берди.
2026-жылы орнотулчу темир-бетон опорлор Балыкчы БЭТинин аймагында 2017-жылдан бери иштеп жаткан өзүнүн цехинде өндүрүлөт. Бул цехте СВ-110 жана СВ-95 маркасындагы опорлор заманбап сапат жана ишенимдүүлүк стандарттарына жооп берет.
Бул демилге региондогу электр энергиясын камсыздоонун туруктуулугун жана натыйжалуулугун жогорулатуу боюнча маанилүү кадам болуп саналат, жана Ысык-Көл облусунун энергетикалык инфраструктурасын модернизациялоо келечекте да улантылат.
? Электр энергиясы боюнча маалымат алуу үчүн төмөнкү номерлерге кайрылсаңыз болот:
105; 1209
? +996 772 001209; +996 556 001209
? WhatsApp: +996 702 001209
